தாங்கியை கழட்டிச் சென்று பெற்றோல் பெற்ற இளைஞன்

சைக்கிளில் மோட்டார் சைக்கிளின் பெற்றோல் தாங்கியை எடுத்து வந்து எரிபொருள் பெற்ற சம்பவம் அனுராதபுரத்தில் பதிவாகியுள்ளது.

மோட்டார் சைக்கிளை எடுத்து வருவதற்கு பெற்றோல் இன்மையால் குறித்த இளைஞன், சைக்கிளில் பெற்றோல் தாங்கியை தனியாக எடுத்து வந்து பெற்றோல் வாங்கிச் சென்றுள்ளார்.

இதேவேளை, பெற்றோல் விநியோகம் நாளை மறுதினம் வழமைக்கு திரும்பும் என இலங்கை பெற்றோலிய தனியார் உரிமையாளர்கள் சங்கம் தெரிவித்துள்ளது.

பெற்றோல் ஏற்றிய கப்பலொன்று நாளை இலங்கைக்கு வரவுள்ள நிலையில், பெற்றோல் விநியோகம் நாளை மறுதினம் வழமைக்கு திரும்பும் என அந்தச் சங்கம் குறிப்பிட்டுள்ளது.

இதேவேளை, டீசல் ஏற்றிய கப்பல் எதிர்வரும் சனிக்கிழமை நாட்டை வந்தடையவுள்ளதாக மின்சக்தி மற்றும் எரிசக்தி அமைச்சர் காஞ்சன விஜேசேகர அண்மையில் தெரிவித்திருந்தமை குறிப்பிடத்தக்கது.