அழிக்கப்பட்ட WhatsApp மெசேஜ்களை எவ்வாறு படிப்பது? வாங்க என்னவென்று பார்ப்போம்

WhatsApp செயலியில் அழிக்கப்பட்ட மெசேஜ்களை எவ்வாறு படிப்பது என்பதை இங்கே பார்க்கலாம்.

WhatsApp-ல் “டெலீட் ஃபார் மி”, “டெலீட் ஃபார் எவரிஒன்” அம்சம் வாட்ஸ்அப் பயனர்களிடையே பெரிதும் வரவேற்கப்பட்டது. இருப்பினும், அவ்வாறு நீக்கப்பட்ட செய்திகளை படிக்க வேண்டும் என்ற ஆர்வம் நம்மில் பலருக்கு இருக்கிறது.

துரதிர்ஷ்டவசமாக, Iphone-ல் நீக்கப்பட்ட WhatsApp செய்திகளை உங்களால் படிக்க முடியாது.

இருப்பினும் உங்களிடம் Android மொபைல் போன் இருந்தால், எந்த ஒரு மூன்றாம் தரப்பு செயலியை இன்ஸ்டால் செய்தோ அல்லது செய்யாமலோ நீக்கப்பட்ட வாட்ஸ்அப் செய்திகளைப் பார்க்க முடியும். அது எப்படி என்பதை பின்வருமாறு காணலாம்.

நீக்கப்பட்ட WhatsApp செய்திகளை எப்படி பார்ப்பது?

டெலீட் செய்யப்பட்ட செய்திகளைப் படிக்க அனுமதிக்கும் உள்ளமைக்கப்பட்ட அம்சம் WhatsApp-ல் இல்லை. இதற்கு மொபைலின் நோட்டிபிகேஷன்களை கண்காணிக்கும் மூன்றாம் தரப்பு செயலியை நீங்கள் இன்ஸ்டால் செய்ய வேண்டும். மூன்றாம் தரப்பு செயலி உங்களுக்கு வரும் செய்தியை பதிவுசெய்ய அவை வாட்ஸ்அப் நோட்டிபிகேஷன் மூலம் பெறப்படுவதை உறுதிப்படுத்த வேண்டும்.

ஏனெனில், அந்த குறிப்பிட்ட சாட் திறந்திருக்கும் போது அல்லது டெலீட் செய்யப்பட்ட செய்தியைப் பெறும் நேரத்தில் நீங்கள் ஆக்டிவில் இருந்தாலோ படிக்க முடியாது. இதனை எப்படி செய்யலாம் என்பதை பின்வருமாறு காண்போம்.

  • கூகுள் ப்ளே ஸ்டோருக்குச் சென்று, நோட்டிபிகேஷன் ஹிஸ்டரியை ஒரு டேபாக வைத்திருக்கக்கூடிய செயலியை டவுன்லோட் செய்யவும். Notisave ஆப் இதற்கு சிறந்த விருப்பங்களில் ஒன்றாகும். இந்த ஆப் அதிக எண்ணிக்கையிலான டவுன்லோட்ஸ் மற்றும் மதிப்புமிக்க நல்ல ரிவியூஸ்களை கொண்டுள்ளது.
  •  ஆப்பை இன்ஸ்டால் செய்தபின், தேவையான அனைத்து அனுமதிகளையும் வழங்கவும். Notisave ஆப்பிற்கு நோட்டிபிகேஷன்கள், புகைப்படங்கள், மீடியா மற்றும் ஃபைல்களை படிப்பதற்கும், தானாகத் தொடங்கும் விருப்பத்தை மாற்றுவதற்கும் அணுகல் தேவைப்படும்.
  • அது முடிந்ததும், WhatsApp செய்திகள் உட்பட நீங்கள் பெறும் ஒவ்வொரு நோட்டிபிகேஷனின் பதிவையும் இந்த ஆப் கண்காணிக்கத் தொடங்கும்.
  • இதற்குப் பிறகு, அனுப்பியவர் தனது WhatsApp செய்திகளை நீக்கினாலும், Notisave செயலி மூலம் அவற்றைப் படிக்க முடியும். இது வாட்ஸ்அப்பில் செய்தியின் தன்மையை மாற்றாது. +கூடுதலாக, ஆப்பில் இருந்து வெளியேறாமல் பிறர் அனுப்பும் மெசேஜ்களுக்கு பதிலளிக்கும் விருப்பத்தை Notisave வழங்குகிறது.
  • நீங்கள் தற்செயலாக ஸ்வைப் செய்த நோட்டிபிகேஷன்களைபடிக்கவும் இந்த ஆப் உதவும். நீங்கள் நீக்கப்பட்ட WhatsApp செய்திகளை மீட்டெடுக்க முடியும் என்றாலும், இந்த செயலியில் சில குறைபாடுகள் உள்ளன.

Notisave ஆப்ஸின் இலவசப் பதிப்பைப் பயன்படுத்தினால், நீங்கள் விளம்பரங்களின் சுமையை தாங்க வேண்டியிருக்கும். தவிர, இதன் கட்டணப் பதிப்பு மாதம் ரூ.65 இல் இருந்து தொடங்குகிறது. இது தவிர, செயலியால் எளிய உரையில் இருக்கும் மெசேஜ்களை மட்டுமே மீட்டெடுக்க முடியும்.

GIFகள், படங்கள் மற்றும் வீடியோக்கள் உட்பட நீக்கப்பட்ட மீடியா பைல்களை மீட்டெடுக்கவோ அல்லது பார்க்கவோ முடியாது.

3ம் தரப்பு ஆப்ஸ் இல்லாமல் நீக்கப்பட்ட வாட்ஸ்அப் செய்திகளை எப்படி பார்ப்பது?

உங்களிடம் ஆண்ட்ராய்டு 11 சாதனம் இருந்தால், எந்த செயலியையும் நிறுவாமல் நீக்கப்பட்ட வாட்ஸ்அப் செய்திகளைப் எளிதில் படிக்கலாம்.

இந்த OS ஆனது உள்ளமைக்கப்பட்ட நோட்டிபிகேஷன் ஹிஸ்டரி விருப்பத்துடன் வருகிறது. இது அனுப்புநரால் செய்திகள் நீக்கப்பட்டிருந்தாலும், அனைத்து WhatsApp செய்திகளின் பதிவையும் வைத்திருக்கும். இது பயன்படுத்த முற்றிலும் இலவசம்.

நீக்கப்பட்ட வாட்ஸ்அப் செய்திகளைப் பார்க்க, ஆண்ட்ராய்டு 11 மொபைல் போனில் நோட்டிபிகேஷன் ஹிஸ்டரியை எவ்வாறு இயக்குவது என்பதைக் காண்போம்.

  • ஆண்ட்ராய்டு 11 போனில் செட்டிங்ஸை திறந்து, “ஆப்ஸ் & நோட்டிபிகேஷன்ஸ்” என்பதைத் கிளிக் செய்யவும். அதன்பின், “நோட்டிபிகேஷன்ஸ்” என்பதைத் கிளிக் செய்யவும்.
  • அதில் “நோட்டிபிகேஷன் ஹிஸ்டரி” என்பதைத் கிளிக் செய்து, ‘நோட்டிபிகேஷன் ஹிஸ்டரியை பயன்படுத்து’ என்பதற்கு நேராக உள்ள பட்டனை மாற்றவும்.
  • இதற்குப் பிறகு, உங்களுக்கு வரும் நோட்டிபிகேஷன்கள், வாட்ஸ்அப் செய்திகள் உட்பட, அனைத்தும் கிடைக்கும்.

ஒவ்வொரு முறையும் நீக்கப்பட்ட வாட்ஸ்அப் செய்திகளைப் படிக்க நீங்கள் அதே வழிமுறைகளை பின்பற்ற வேண்டும். Notisave போலவே, Android 11 சாதனத்தின் நோட்டிபிகேஷன் ஹிஸ்டரி விருப்பமும் மீடியா ஃபைல்களை மீட்டெடுக்காது.