பிரசவத்தை எதிர்பார்த்துக் காத்திருக்கும் பெண்கள், 9-வது மாதம் தொடங்கிய ஓரிரு நாட்களுக்குள் மருத்துவமனைக்குச் செல்லும் வகையில் தயாராக இருப்பது நல்லது.
பிரசவத்தை நெருங்கும் பெண்களுக்கான அறிவுரைகள்
தனிக்குடித்தனங்கள் பெருகி விட்ட தற்போதைய காலகட்டத்தில், எந்தச் சூழலையும் சமாளிப்பதற்கு கர்ப்பிணிகள் தயாராக இருக்க வேண்டும். வீட்டில் இருந்து மருத்துவமனை அமைந்துள்ள தூரம், பயண நேரம், மருத்துவரின் தொடர்பு எண், மருத்துவரை போனில் தொடர்பு கொள்ளும் நேரம், மருத்துவமனைக்கு வாகனத்தில் செல்வதற்கான சரியான வழித்தடம் உள்ளிட்ட தகவல்களை கர்ப்பிணிகள் அறிந்து வைத்திருக்க வேண்டும்.
மருத்துவ அறிக்கைகள், துணிமணிகள், தேவையான பணம், காப்பீட்டு அட்டை, மாத்திரைகள் மற்றும் இதுவரை மேற்கொண்ட மருத்துவ பரிசோதனை சான்றுகள் ஆகியவற்றை தேதி வாரியாக, ஒரு பைலில் வைத்து எடுத்துச் செல்ல வேண்டும்.
