உங்கள் குழந்தைகளின் நோயெதிர்ப்பு சக்தியை அதிகரித்து கொரோனாவிடம் இருந்து பாதுகாக்கும் வழிகள் முறைகள்

குழந்தைகளில் அதிகரித்து வரும் கோவிட்-19 நோய்த்தொற்று மற்றும் தடுப்பூசி கிடைக்காதது அவர்களின் நோயெதிர்ப்பு மண்டலத்தை கூடுதலாக கவனித்துக்கொள்வது மிக முக்கியமானது. வலுவான நோய் எதிர்ப்பு சக்தி குழந்தைகளில் தொற்றுநோயைக் குறைத்து ஆரோக்கியமாக வைத்திருக்க உதவுகிறது. குழந்தைகள் மற்றும் பெரியவர்கள் இருவருக்கும் நோய் எதிர்ப்பு சக்தியை அதிகரிப்பதற்கான மிக அடிப்படையான வழிகளில் ஒன்று ஆரோக்கியமான மற்றும் சத்தான உணவுகளை எடுத்துக்கொள்வது.

குழந்தையின் உள் அமைப்பை வலுப்படுத்துவதில் உணவு முக்கிய பங்கு வகிக்கிறது. முன்கூட்டிய பருவமடைதல், உடல் பருமன் மற்றும் முடி நரைத்தல் ஆகியவற்றின் அபாயத்தை குறைக்கிறது. ஊட்டச்சத்து நிபுணர்கள் நோய் எதிர்ப்பு சக்தியை அதிகரிக்க சில முக்கியமான உதவிக்குறிப்புகளை தெரிவித்துள்ளனர். இக்கட்டுரையில், உங்கள் குழந்தையின் உணவில் சேர்க்க வேண்டிய ஆரோக்கியமான உணவுகளை பற்றி காணலாம்.

நாவல் பழம்

உங்கள் குழந்தைகளுக்கு குறைந்தபட்சம் ஒரு பருவகால அல்லது உள்ளூர் பழத்தைச் சேர்க்க முயற்சி செய்யுங்கள். அவர்கள் எல்லா பழத்தையும் சாப்பிட விரும்பவில்லை என்றால், நாவல் பழம் போன்ற உள்ளூர் பழங்களை அவர்களுக்குக் கொடுப்பது நல்ல குடல் பாக்டீரியாக்களின் வளர்ச்சியை ஊக்குவிக்கும்.

லட்டு அல்லது அல்வா

எல்லோரும் மாலை 4 மணி முதல் 6 மணி வரை ஆரோக்கியமான மற்றும் சத்தான ஸ்நாக்ஸை சாப்பிடுவது மிகவும் முக்கியம். ரொட்டி, நெய் மற்றும் வெல்லம் ரோல் அல்லது சுஜி அல்வா அல்லது ராகி லட்டு போன்ற இனிமையான மற்றும் எளிமையான உணவைக் கொடுப்பது அவர்களுக்கு உற்சாகமாக இருக்க உதவும்.

ஊறுகாய் அல்லது சட்னி

குழந்தைகளுக்கு தினசரி சில வீட்டில் ஊறுகாய் அல்லது சட்னி அல்லது முராபா கொடுங்கள். இந்த பக்க உணவுகள் அவர்களின் குடல் பாக்டீரியாக்களை செழிக்க உதவும். அவற்றின் நோய் எதிர்ப்பு சக்தியை அதிகரிக்கும் மற்றும் மகிழ்ச்சியாக இருக்க உதவும்.

முந்திரி

உணவுக்கு இடையில் ஒரு சில முந்திரி அவர்களை சுறுசுறுப்பாகவும் வைத்திருக்கவும் அவர்களுக்கு தேவையான நுண்ணூட்டச்சத்துக்களை வழங்குகிறது. இது வலியைக் குறைக்க உதவும்.

தூக்கம்

மக்கள் பெரும்பாலும் தூக்க நேரத்தை பராமரிப்பதன் முக்கியத்துவத்தை குறைத்து மதிப்பிடுகிறார்கள். ஆனால் நமது நோய் எதிர்ப்பு சக்தியையும் ஆரோக்கியத்தையும் பேணுவதில் தூக்கம் முக்கிய பங்கு வகிக்கிறது. இது உடல் பருமன் அபாயத்தை குறைக்கிறது மற்றும் ஆரோக்கியமற்ற உணவுகளுக்கான ஏக்கத்தைத் தடுக்க உதவுகிறது.

உடல் செயல்பாடு

உடல் ரீதியாக சுறுசுறுப்பாக இருப்பது மற்றொரு முக்கியமான வாழ்க்கை முறை பழக்கமாகும். இது உங்களுக்கு ஆரோக்கியமாகவும் சுறுசுறுப்பாகவும் இருக்க உதவுகிறது. உடற்பயிற்சி செய்வது அல்லது மத்தியஸ்தம் செய்வது கூட வளர்சிதை மாற்றத்தை அதிகரிக்கிறது மற்றும் நாட்பட்ட நோய்களை உருவாக்கும் அபாயத்தை குறைக்கிறது.