இலங்கையின் கோவிட் -19 தடுப்பூசி இயக்கம் இன்று (29) ஆரம்பிக்கிறது. முதற்கட்டமாக 3 இராணுவத்தினருக்கு தேசிய தொற்றுநோய்கள் மருத்துவ நிறுவனத்தில் தடுப்பூசி செலுத்தப்பட்டது.

கொழும்பு தேசிய மருத்துவமனை, களுபோவில போதனா மருத்துவமனை, ராகம போதனா மருத்துவமனை, தேசிய தொற்று நோய்கள் நிறுவனம், ஹோமாகம அடிப்படை மருத்துவமனை மற்றும் மேற்கு மாகாணத்தில் உள்ள கொழும்பு கிழக்கு அடிப்படை மருத்துவமனை ஆகியவற்றில் தடுப்பூசிகள் செலுத்தப்படும்.COVID கட்டுப்பாட்டு பணிகளில் ஈடுபட்டுள்ள தேர்ந்தெடுக்கப்பட்ட முன்கள பணியாளர்கள் முதற்கட்டமாக தடுப்பூசி பெறுவார்கள்.திட்டத்தின் முதல் கட்டத்தின் கீழ் 150,000 சுகாதார ஊழியர்கள் மற்றும் 120,000 முப்படை மற்றும் காவல்துறை ஊழியர்கள் தடுப்பூசி பெறுவார்கள்.இந்தியாவின் 500,000 COVIShield தடுப்பூசிகள் 250,000 நபர்களுக்கு வழங்கப்படும் என்று எதிர்பார்க்கப்படுகிறது. முதல் தடுப்பூசிக்கு பிறகு, இரண்டாவது தடுப்பூசி மூன்று வாரங்களில் செலுத்தப்படும்.பொதுமக்களில் முன்னுரிமை பட்டியலில் 60 வயதுக்கு மேற்பட்ட நபர்களுக்கு செலுத்தப்படும். அவர்கள் தேர்தல் பதிவு மூலம் தேர்வு செய்யப்படுவார்கள். அதே நேரத்தில் அனைத்து நபர்களும் தடுப்பூசியை இலவசமாகப் பெறுவார்கள்.நேற்று இந்தியாவில் இருந்து 500,000 ஒக்ஸ்போர்ட்-அஸ்ட்ராஜெனெகா கோவிட் -19 தடுப்பூசிகள் இலங்கையை வந்தடைந்தது.கோவிட் -19 ஜனாதிபதி பணிக்குழுவின் பரிந்துரைப்படி, ஜெனரல் சவேந்திர சில்வாவின் மேற்பார்வையில் அனைத்து 25 மாவட்டங்களிலும் முன்னுரிமை பெற்ற பகுதிகளுக்கு தடுப்பூசிகளை நேற்று கொண்டு சென்றது.இன்று காலை தேசிய தொற்று நோய்கள் நிறுவனத்தில் முதல் COVID-19 தடுப்பூசி மருந்துகள் வழங்கப்பட்டது.