இன்று மட்டும் இதுவரையில் மேலும் 633 பேர் கொரோனாவிலிருந்து குணமடைவு..!!

நாட்டில் மேலும் 633 பேர் கொரோனா வைரஸ் தொற்றிலிருந்து பூரண குணமடைந்து இன்று வீடுகளுக்குத் திரும்பியுள்ளதாக சுகாதார அமைச்சின் தொற்று நோயியல் பிரிவு தெரிவித்துள்ளது.

இந்நிலையில், இலங்கையில் கொரோனா தொற்றிலிருந்து குணமடைந்தோரின் மொத்த எண்ணிக்கை 48 ஆயிரத்து 617 ஆக உயர்ந்துள்ளது.இதேவேளை, நாட்டில் இதுவரை கொரோனா தொற்று உறுதியானோரின் மொத்த எண்ணிக்கை 56 ஆயிரத்து 76 ஆகப் பதிவாகியுள்ளதுடன், அவர்களில் இன்னும் ஏழாயிரத்து 183 பேர் தொடர்ந்தும் சிகிச்சை பெற்றுவருகின்றனர்.அத்துடன், கொரோனா தொற்றினால் இதுவரை 276 பேர் உயிரிழந்துள்ளமை குறிப்பிடத்தக்கது.