தற்போது கிடைத்த செய்தி..வடக்கில் இன்று 30 பேருக்கு கொரோனா தொற்று உறுதி..!! யாழில் ஒரே குடும்பத்தைச் சேர்ந்த ஐவருக்கு கொரோனா!!

வடக்கில் இன்று 30 பேருக்கு கொரோனா தொற்று உறுதியாகியுள்ளது.

யாழ்ப்ப்பாண பல்கலைகழக மருத்துவபீட ஆய்வுகூடத்தில் இன்று 311 பேரின் பிசிஆர் மாதிரிகள் சோதனைக்குள்ளாக்கப்பட்டன. இதில் 30 பேர் தொற்றுடன் அடையாளம் காணப்பட்டனர்.வவுனியா மாவட்டத்தில் 30 பேரும், யாழ் மாநகரசபை சுகாதார வைத்திய அதிகாரி பிரிவில் 5 பேரும் தொற்றுடன் அடையாளம் காணப்பட்டனர்.யாழ். மாநகர பொதுச் சுகாதார மருத்துவ அதிகாரி பிரிவில், ஒரே குடும்பத்தைச் சேர்ந்த 5 பேருக்கு கொரோனா வைரஸ் தொற்று உள்ளமை கண்டறியப்பட்டுள்ளது.கொழும்பிலிருந்து யாழ்ப்பாணத்துக்கு வருகை தந்து, சுயதனிமைப்படுத்தலில் இருந்த அவர்களுக்கு, முன்னெடுக்கப்பட்ட பிசிஆர் பரிசோதனையிலேயே தொற்று உள்ளமை உறுதிப்படுத்தப்பட்டது என வடமாகாண சுகாதார சேவைகள் பணிப்பாளர், மருத்துவர் ஆ.கேதீஸ்வரன் தெரிவித்தார்.யாழ். பல்கலைக்கழக மருத்துவ பீட ஆய்வுகூடத்தில் இன்று முன்னெடுக்கப்பட்ட பிசிஆர் பரிசோதனையிலேயே குறித்த 5 பேருக்கும் தொற்று உள்ளமை உறுதிப்படுத்தபட்டுள்ளது என அவர் குறிப்பிட்டார்