பரீட்சைக்குத் தோற்றும் மாணவர்களுக்கு பரீட்சைகள் ஆணையாளர் விடுக்கும் விசேட அறிவிப்பு.!

க.பொ.த. உயர்தரப் பரீட்சைக்கு செல்லும் பரீட்சார்த்திகள் மற்றும் பரீட்சை நிலைய சேவையாளர்களுக்காக தொடருந்து சேவைகள் மற்றும் இலங்கை போக்குவரத்து சபைக்கு சொந்தமான பேருந்து சேவைகள் முன்னெடுக்கப்படும் என பரீட்சைகள் ஆணையாளர் நாயகம் சனத் பூஜித தெரிவித்துள்ளார்.

அத்துடன் கல்விப் பொதுத் தராதர உயர்தர பரீட்சையில் தோற்றவுள்ள மாணவர்களுக்காக ஒதுக்கப்பட்ட தொடருந்து சேவைகள் இயங்கும் எனவும்,அவை தவிர்ந்த பிரதான மார்க்கம் புத்தளம் மார்க்கம் மற்றும் களனி வெளி மார்க்கம் என்பனவற்றில் இடம்பெறவுள்ள அனைத்து தொடருந்து சேவைகளும் இன்று முதல் ரத்து செய்யப்பட்டுள்ளன எனவும் தொடருந்து கட்டுப்பாட்டு மையம் விடுத்துள்ள அறிக்கையில் குறிப்பிட்டுள்ளது.