தடைசெய்யப்பட்ட அமைப்பை நினைவுகூர்வது சட்டப்படி குற்றம்..!! திலீபனை நினைவுகூர அனுமதிக்க முடியாது.!!யாழ் நீதிமன்றம் சற்று முன் பரபரப்புத் தீர்ப்பு!!

தியாகி திலீபனை நினைவுகூர்வது தடைசெய்யப்பட்ட பயங்கரவாத அமைப்பை நினைவுகூரும் செயல் எனக் கூறி, தியாகி திலீபனின் நினைவேந்தலிற்கு அனுமதிக்கக் கோரி தாக்கல் செய்யப்பட்ட மீள் மனுவை யாழ் நீதவான் ஏ.எஸ்.பீற்றர் போல் நிராகரித்தார்.திலீபனின் நினைவேந்தலிற்கு தடைகோரி யாழ் பொலிஸ் நிலைய பொலிசார் தாக்கல் செய்த மனுவை ஏற்று, நினைவேந்தலிற்கு யாழ் நீதிமன்றம் தடைவிதித்திருந்தது.இந்த நிலையில், இன்று திருத்த மனு சமர்ப்பிக்கப்பட்டது.தமிழ் தேசிய மக்கள் முன்னணியின் கஜேந்திரகுமார் பொன்னம்பலம், செ.கஜேந்திரன், வ.பார்த்தீபன் உள்ளிட்டவர்கள் சார்பில் தாக்கல் செய்யப்பட்ட மனு சார்பில் சட்டத்தரணிகள் வி.திருக்குமரன், கு.குருபரன் ஆகியோர் முன்னிலையாகினர்.இந்த வழக்கின் தீர்ப்பு சற்று முன்னர் வழங்கப்பட்டது.விடுதலைப் புலிகள் தடை செய்யப்பட்ட பயங்கரவாத இயக்கம். திலீபனை நினைவுகூர்வது தடைசெய்யப்பட்ட பயங்கரவாத அமைப்பொன்றின் உறுப்பினரை நினைவுகூர்வதாக அமையும். அதன்மூலம் தடைசெய்யப்பட்ட அமைப்பொன்றை நினைவுகூர்வதாக அமையும். அது, பயங்கரவாத தடைச்சட்டத்தின் கீழ் கைது செய்யப்படக்கூடிய குற்றம். தடைசெய்யப்பட்ட பயங்கரவாத அமைப்பின் உறுப்பினரை நினைவுகூர்வதை மன்று தடை செய்கிறது என யாழ் நீதவான் ஏ.எஸ்.பீற்றர் போல் தீர்ப்பளித்தார்.