மாலியில் திடீர் இராணுவப் புரட்சி…கவிழ்ந்தது அரசாங்கம்..!! ஜனாதிபதியும் பிரதமரும் சிறைப்பிடிப்பு.!!

மாலியில் இராணுவ புரட்சி ஏற்பட்டதையடுத்து அந்நாட்டு ஜனாதிபதி இப்ராகிம் பவுபக்கர் கெய்டா ( Ibrahim Boubacar Keïta ) , பிரதமர் மெய்கா பவ்வ் சிஸ்சே ( Soumeylou Boubèye Maïga ) ஆகியோர் கைது செய்யப்பட்டுள்ளதாகத் தகவல் வெளியாகியுள்ளது.மேற்கு ஆபிரிக்க நாடான மாலியில் அந் நாட்டு ஜனாதிபதிக்கு எதிராக அண்மைக் காலமாக மக்கள் போராட்டங்களில் ஈடுபட்டு வருகின்றனர்.இந்நிலையில், இராணுவத்தில் பணியாற்றி வந்தவர்கள் திடீரென கிளர்ச்சியாளர்களாக மாறியுள்ளதாகத் தகவல் வெளியாகியுள்ளது. அந்த வகையில் அந் நாட்டு ஜனாதிபதியான இப்ராகிம் பவுபக்கர் கெய்டா மற்றும் பிரதமர் பவ்பவ் சிஸ்சே ஆகியோர் கைது செய்யப்பட்டுள்ளதாகவும் அரசின் கட்டுப்பாட்டை இராணுவ கிளர்ச்சியாளர்கள் கைப்பற்றியதால், மாலியில் இராணுவம் ஆட்சியை பிடித்துள்ளதாகவும் தகவல்கள் வெளியாகியுள்ளன.மேற்கு ஆபிரிக்க நாடான மாலியில் இராணுவ புரட்சி ஏற்பட்டுள்ளது. அந்நாட்டு ஜனாதிபதி இப்ராஹிம் பவுபக்கர் கெய்டா, பிரதமர் பவ்பவ் சிஸ்சே ஆகியோரை இராணுவத்தினர் கைது செய்துள்ளனர்.பயங்கரவாதத்தை தடுக்க தவறியதாகவும், தேர்தலில் முறைகேட்டில் ஈடுபட்டதாகவும் அவர் மீது குற்றம் சாட்டப்பட்டுள்ளது. அவர்கள் தற்போது இராணுவத்தின் காவலில் வைக்கப்பட்டுள்ளனர்.ஜனாதிபதி இப்ராஹிம் பவுபக்கர் கெய்டாவிற்கு எதிராக இரண்டு மாதங்களாக மாலியில் பெரும் போரட்டம் நடந்து வந்தநிலையில் தற்போது அவர் கைது செய்யப்பட்டுள்ளார். போராட்டக்காரர்களுடன் சமரச முயற்சியில் ஈடுபட, இப்ராஹிம் பவுபக்கர் கெய்டா முயன்றபோதிலும், அது பலனளிக்கவில்லை.இதனை தொடர்ந்து தேசிய தொலைக்காட்சியில் சுருக்கமாக உரையாற்றிய ஜனாதிபதி இப்ராஹிம் பவுபக்கர், “இன்று, இராணுவத்தின் சில பகுதிகள் தலையீடு அவசியம் என்று முடிவு செய்துள்ளன. எனக்கு உண்மையில் ஒரு தேர்வு இருக்கிறதா? ஏனென்றால் இரத்தம் சிந்தப்படுவதை நான் விரும்பவில்லை. இனிமேல் என் கடமையை கைவிட முடிவு செய்துள்ளேன்“ என்றார்.பமாக்கோவிற்கு அருகிலுள்ள தி நகரில் ஒரு முக்கிய தளத்தில் வீரர்கள் ஆயுதங்களை ஏந்தி கலகம் செய்த சில மணிநேரங்களுக்குப் பிறகு இந்த அதிரடி நடவடிக்கை மேற்கொள்ளப்பட்டுள்ளது.இதுகுறித்து ஐ.நா. பொதுச்செயலாளர் ஆன்டனேியோ குட்டரஸ் தெரிவிக்கையில்,மாலியில் ஏற்பட்டுள்ள சூழ்நிலையை ஐ.நா. உன்னிப்பாக கவனித்து வருகிறது. முதலில் ஜனாதிபதி இப்ராஹிம் பவுபக்கர் கெய்டாவை எந்த நிபந்தனையும் இன்றி விடுதலை செய்ய வேண்டும். அங்கு மீண்டும் அரசியலமைப்பு சட்டத்தின் கீழ் சட்டம், ஒழுங்கு பாதுகாக்கப்பட வேண்டும்” என்று தெரிவித்துள்ளார்.இராணுவத்தினர் பின்னர் ஒரு அறிக்கையை வெளியிடுவார்கள் என்று எதிர்பார்க்கப்பட்டது. அதே நேரத்தில் மேற்கு ஆபிரிக்காவில் உள்ள நாடுகள், முன்னாள் காலனித்துவ சக்தியான பிரான்ஸ், ஐரோப்பிய ஒன்றியம் மற்றும் ஆபிரிக்க ஒன்றியம் ஆகியவை இராணுவத்தினரின் நடவடிக்கைகளை கண்டித்து, அரசியலமைப்பிற்கு அப்பாற்பட்ட எந்தவொரு அதிகார மாற்றத்திற்கும் எதிராக எச்சரித்தன என்பது சுட்டிக்காட்டத்தக்கது.