இனிவரும் காலங்களில் வேலைவாய்ப்புக்காக வெளிநாடுகளுக்கு செல்லும் இலங்கையர்களுக்கு அடிப்படை பணத்தினை வங்கிகளில் பேண அரசாங்கம் நடவடிக்கை எடுத்துள்ளது.இந்த செயற்றிட்ட நடவடிக்கைக்காக 50 மில்லியன் ரூபா பணத்தை அரசாங்கம் ஒதுக்கியுள்ளது.
வேலைவாய்ப்பக்காக செல்பவர்களுக்கு திறக்கப்படும் இந்த கணக்குகளுக்கு அரசாங்கம் 5 அமெரிக்க டொலர்களை வைப்பு செய்யவுள்ளது. குறித்த கணக்குகளை திறக்கும் வர்த்தக வங்கிகள் மேலும் 5 அமெரிக்க டொலர்கள் வைப்பிட தீர்மானிக்கப்பட்டுள்ளது.அந்த தீர்மானத்திற்கு பல வர்த்தக வங்கிகள் இணக்கம் வெளியிட்டுள்ளதாக வெளிவிவகார பணியகம் தெரிவித்துள்ளது.
