சிறுநீரக கல்லை வெளியேற்ற…சிறுநீரகத்தை ஆரோக்கியமாக வைத்து கொள்ள! இந்த 7 உணவுகள் போதும்

நம் உடலில் மிகவும் முக்கியமான உறுப்புகளில் சிறுநீரகமும் ஒன்று. சிறுநீரகத்தில் ஏதேனும் பிரச்சனை என்றால், அது அப்படியெ உடலின் அடுத்தடுத்த உறுப்புகளையும் பாதிப்பை ஏற்படுத்தலாம்.இதனால் ஆரோக்கியமான நம் சிறுநீரகத்தை வைத்துக் கொண்டால், உடலில் ஏற்படும் பாதிப் பிரச்சனைகளை தவிர்த்துவிடலாம்.

சிறுநீரகப் பிரச்சனைகளில் முக்கியமானதாக இருப்பது சீறுநீரகத்தில் கல், இதற்கு பல வைத்தியங்களை கூறுவர்.நாம் அதற்கு முன்பே நம் சிறுநீரகத்தை ஆரோக்கமாக வைத்துக் கொண்டால், சிறுநீரகத்தில் கல்லோ, சிறுநீரக செயலிழப்போ போன்ற பிரச்சனைகள் எட்டிப் பார்க்காது.அந்த வகையில், சிறுநீரகத்தை ஆரோக்கியமாக வைத்து கொள்ள நாம் சாப்பிட வேண்டிய 7 உணவுகளைப் பற்றி பார்ப்போம்.

ஆப்பிள்:சிறுநீரகங்களையும் பாதுகாக்க ஆப்பிள்கள் உதவியாக இருக்கும். ஆப்பிள்களில் அதிக பெக்டின் என்பது சிறுநீரக பாதிப்புடன் தொடர்புடைய ஆபத்துகளை குறைக்க உதவுகிறது.

பெர்ரிகள்:பெர்ரி ஆன்டிஆக்ஸிடன்ட்கள்(antioxidants) மற்றும் பயனுள்ள ஊட்டச்சத்துக்களின் சிறந்த மூலமாக உள்ளது.இதில், ஸ்ட்ராபெர்ரி, அவுரிநெல்லிகள், கிரான்பெர்ரி போன்ற பல பெர்ரி பழங்கள் சிறுநீரக ஆரோக்கியத்தைப் பாதுகாக்க பெரிதும் உதவுகின்றன.

சிட்ரஸ் பழங்கள்:உங்கள் சிறுநீரகத்தை ஆரோக்கியமாக வைத்திருக்க விரும்பினால், வைட்டமின் சி அதிகம் நிறைந்த ஆரஞ்சு, எலுமிச்சை போன்ற பழங்களை அதிகம் எடுத்துக் கொள்வது நல்லது.DK Publications எழுதிய Healing Foods புத்தகத்தின் படி, தினமும் நீருடன் எலுமிச்சை சாற்றை உட்கொள்வது கல் உருவாவதற்கான வீதத்தைக் குறைப்பதாக குறிப்பிடப்பட்டுள்ளது.

முட்டைக்கோஸ்:முட்டைக்கோசு இயற்கையாகவே சோடியம் குறைவாக உள்ள காய், இது சிறுநீரக நோயைத் தடுக்க ஒரு சிறந்த காய்கறியாக அமைகிறது.இது பல பயனுள்ள கலவையான வைட்டமின்களை கொண்டுள்ளது. முட்டைக்கோசை அதிக அளவில் வேக வைத்து சாப்பிடாமல், லேசாக சமைத்து சாப்பிடுவதன் மூலம் அதில் இருக்கும் அனைத்து சத்துக்களையும் நாம் பெற முடியும்.

சர்க்கரை வள்ளி கிழங்கு:சர்க்கரவை வள்ளி கிழங்குகளில் வைட்டமின்கள் மற்றும் அதிக அளவு நார் சத்து உள்ளது. இது எடை குறைப்பதற்கு உதவுவதுடன், சிறுநீரகத்திற்கும் ஆரோக்கியமான உணவாக பரிசீலிக்கப்படுகிறது.இனிப்பு உருளைக்கிழங்கில் காணப்படும் வைட்டமின்கள் மற்றும் தாதுக்களின் அளவு நாளின் எந்த நேரத்திலும் நுகர்வுக்கு சிறந்தது. அவற்றின் அதிக நார்ச்சத்து உள்ளடக்கம் மெதுவாக உடைந்து, எடையும் குறைக்க ஏற்றதாக அமைகிறது.

பரட்டைக் கீரை:சிறுநீரகத்திற்கு ஆரோக்கியத்தை கொடுக்க வேண்டும் என்றால், பரட்டை கீரை உங்கள் உணவில் சேர்க்கப்பட வேண்டும். இது சிறுநீரகத்திற்கு சிறந்த உணவாக பார்க்கப்படுகிறது.இரும்புசத்து அதிக்கம் கொண்டது. உதாரணமாக சொல்லவேண்டுமென்றால் மாட்டு இறைச்சியில் இருப்பதை விட மிக அதிகளவு இரும்பு சத்து இதில் இருக்கிறது.ஆண்டி ஆக்சிடன்ட்ஸ் இதில் நிறையவே இருக்கிறது. ஈரல், புற்றுநோய், எலும்பு குறைபாடு, ஆஸ்துமா போன்ற பல நோய்கள் வராமலும் இது தடுக்க உதவுகிறது.

காலிபிளவர்:காலிபிளவர் ஒரு சக்தி நிறைந்த காய்கறியாகும், இதில் வைட்டமின் சி, போலேட் மற்றும் பைபர் ஏராளமாக உள்ளன.சிறுநீரகத்திற்கான அதிகபட்ச சுகாதார நலன்களுக்காக இது வேகவைத்தோ அல்லது பச்சையாக சாப்பிடலாம்.ஊட்டச்சத்து நிபுணர் ஷில்பா அரோரா பிரபல ஆங்கில ஊடகம் ஒன்றிற்கு அளித்த பேட்டியில், நீர் நிறைந்த உணவை உட்கொள்வது ஆரோக்கியத்திற்கு நன்மை பயக்கும். செலரி, ககாடி, வெள்ளரி, பாட்டில் சுண்டைக்காய் மற்றும் தர்பூசணி ஆகியவை சிறுநீரகங்களை உறுதிப்படுத்த உதவும்.

தேங்காய் நீர் மற்றொரு பானமாகும், இது நிபுணரால் பரிந்துரைக்கப்படுகிறது. பொட்டாசியம் அதிகமாக இருப்பதால் சிறுநீரகங்களுக்கு தேங்காய் நீர் மிகவும் சிறந்த ஒன்று. மேலும் சிறுநீரகத்தில் இருக்கும் அதிகப்படியான சோடியத்தை வெளியேற்ற உதவுகிறது என்று அவர் கூறியுள்ளார்.