பொதுமக்களுக்கு ஓர் முன்னறிவிப்பு…..நாளை முதல் ஒரு வழிப்பாதையாக மாறும் வேம்படி வீதி….!!

மாணவர்களின் போக்குவரத்து வசதி கருதி யாழ்ப்பாணம் வேம்படி மகளிர் கல்லூரிக்கு முன்பாகச் செல்லும் பலாலி வீதி குறிப்பிட்ட நேரத்துக்கு ஒரு வழிப்பாதையாக நடைமுறைப்படுத்தப்படவுள்ளது.நாளை புதன்கிழமை தொடக்கம் இந்த ஒரு வழிப்பாதை சேவையை நடைமுறைப்படுத்த நடவடிக்கை மேற்கொள்ளப்பட்டுள்ளது என்று யாழ்ப்பாண மாநகர பிரதி முதல்வர் து.ஈசன் தெரிவித்தார்.

பலாலி வீதியில் ஆஸ்பத்திரி வீதிச் சந்திக்கும் முதலாம் குறுக்கு வீதிச் சந்திக்கும் (ஏ–9 வீதியில்) இடைப்பட்ட வீதி இவ்வாறு குறிக்கப்பட்ட நேரத்துக்கு மட்டும் ஒரு வழிப்பாதை பயணமாக மாற்றப்படும்.

பாடசாலை மாணவர்களின் போக்குவரத்து வசதி கருதி காலை 7 மணி தொடக்கம் 8 மணிவரைக்கும் மற்றும் பிற்பகல் 1 மணி தொடக்கம் 2 மணி வரைக்கும் ஒரு வழிப்பாதையாக மாற்றப்படும் எனத் தெரிவித்தார்.

உங்கள் கருத்துக்கள் மற்றும் நண்பர்களுடன் பகிருங்கள்

கருத்துக்கள்